Bingung (teguh ribawanto)

Versi: Teguh Ribawanto,SS

Bingung ngrasakke jaman saiki,
Ruh patrape poro mudho mudhi..
Sing wis tuwo ugo emoh keri,
Kuping irung podho ditindhik’i..

Jroning atiku ra iso mikir,
Yen weruh rambut podho disemir..
Najan gak macem ning ra kuatir,
Diarani koyo londo kenthir..

Aduh gusti nganggo jilbab,
Koyo santri jebul ora tau ngaji..
Aduh gusti nganggo peci,
Koyo kiai klakoane koyo glali..

Aku bingung duh gusti jan aku bingung,
Dunyo iki duh gusti akeh wong gemblung..
Ora bedo sing tenan karo neng panggung,
Dho keblinger koyo wong mendem gadhung..

Aku bingung duh gusti jan tambah bingung,
Dunyo iki duh gusti akeh wong pengung..
Tiwas mikir awakku koyo wong linglung,
Biso biso aku malah koyo mbilung..

reff:
Sedih atiku ora karuan,
Cah saiki dho ora nduwe sopan..
Seneng rempat tur ugal-ugalan,
Jare emoh ketinggalan jaman..

Opo maneh yen ono tontonan,
Mesti kanggo ajange tawuran..
Bangga yen diarani jagoan,
Ning nangis yen wis mlebu tahanan..

Aduh gusti kuping kiwo ditindhik’i,
Ben diarani wong seni..
Aduh gusti rambut podho disemiri,
Ning rupane ra mbejaji..

Aku bingung duh gusti jan aku bingung,
Dunyo iki duh gusti akeh wong gemblung..
Ora bedo sing tenan karo neng panggung,
Dho keblinger koyo wong mendem gadhung..

Aku bingung duh gusti jan tambah bingung,
Dunyo iki duh gusti akeh wong pengung..
Tiwas mikir awakku koyo wong linglung,
Biso biso aku malah koyo mbilung..

Leave a Reply

Your email address will not be published. Required fields are marked *