Sidangmu Dudu Sidangku

Versi: Dhalang Poer

Jare wakile rakyat, Kudune betah tirakat
Yo gene naliko rakyat melarat, Kowe malah nekat mupakat

Sopo sing ngongkon kowe rapat, Njaluk unda’an gaji
Sopo sing ngongkon kowe njaluk mobil dinese kuwi

Sopo sing ngongkon kowe golek utangan luar negeri
Gumun maneh utang ora sudo, ning kok malah ndadi

Dhuwite nyang endi?

Opo lali jaman pemilu, kowe janji arep mikir aku
Nanging bareng wis oleh bangku,
Rakyat njerit kowe ora krungu

Opo bisu…

Lho, malah turu…

Katon watu…

Husss! saru…

reff :
Agenda rapat digawe, nyang-nyangan meneh isine
Kowe sing nong kono, kowe sing neng kene
Rakyate amung nyawang wae

Opo sing kok rembug ono sidang, sing gede ragate
Antarane putusan lan rakyat, ra ono sambunge
Isine mung ndum-nduman kursi, rebutan jatah wae

Rumangsaku kowe kok mung rembugan butuhmu dewe
Njur kepriye…

Opo lali jaman pemilu, kowe janji arep mikir aku
Nanging bareng wis oleh bangku,
Rakyat njerit kowe ora krungu

Opo bisu…

Lho, malah turu…

Lho, malah nesu…

Oh…saru…

Sidang-sidangmu, dudu sidangku dulur
[Sidang-sidangmu, dudu sidangku]
Rapat-rapatmu, dudu rapatku
[Rapat-rapatmu, dudu rapatku]
Pasal-pasalmu, dudu pasalku dulur
[Pasal-pasalmu, dudu pasalku]
Kursi-kursimu, biyen kursiku
[Kursi-kursimu, biyen kursiku]
Seneng-senengmu, sambat sebutku dulur
[Seneng-senengmu, sambat sebutku]
Sorak-sorakmu, loro lapaku
[Sorak-sorakmu, loro lapaku]
Seneng-senengmu, sedih tangisku dulur
[Seneng-senengmu, sedih tangisku]
Pesta-pestamu, ngelak luweku
[Pesta-pestamu, ngelak luweku]

“Janjine…janjine.. mitro…,nggedebus….”

Leave a Reply

Your email address will not be published. Required fields are marked *